Nîşmiye Guler -Vîldan Atmaca/ JINHA

WAN - Şaredariya Rêya Armûşê ji bo jin tevlî jiyana aborî bibin alternatîfên wek Bazar Keda Jinê avakir. Bazara ku li bendê yek ku di 8'ê Adarê de bikeve xizmeta welatiyan. Jinên ku dê di bazara keda jinê de keda destên xwe aboriya xwe bidest bixin diyar kirin ku ligel hemû astengiyên mêr dê li qadan bin û bixebitin.

Şaredariya Rêya Armûşê yê Wanê û DAKA Bazara Keda Jinê ku bi hevparî vekirin li bendê ye ku di 8'ê Adarê Roja Jinên Kedkar ên Cihanê de bêxin merîyetê. Di bazarê de ji bo 100 jinan cihên îstîhdamê dan vekirin û dê jin bi keda destên xwe aboriya xwe pêk binin. Gerînerê Polîtîkaya Jinê ya Şaredariya Rêya Armûşê Ferhat Akın di derbarê amedekariyên bazarê de ji me re axivî û diyar kir ku armanca wan ew e ku jinên bi salan e ji ber hişmendiya mêretiyê ji jiyana civakî, aborî û azadiyê dur hatine xistin bi vê projeyê jinan tevlî jiyana civakî bikin e. Ferhet destnîşan kir ku Bazara Keda Jinê amadeye û li benda keda jinê ye.

'Armanca me ew e ku di bazarê jiyanek hevpar bidin avakirin'

Ferhat bi gotina "Ji ber keda malê bê xuya kirin bazarek wiha giring e. Em wek şaredariyê destnîşan dikin ku gelek giringiyê didin nirxê jinê" piştgiriyê da keda jinê. Ferhat di derbarê amadekariyên bazarê de jî wiha agahî da: "Jinên bên di bazarê di bixebitin di serî de hilberînên xwe bijêrin û dest bi firotandinê bikin. Her jinek dê di hilberinên xwe li ser tezgaha xwe bifiroşe û çawa ku her jinek xwedî tezgahek bê dê bi komî û kolektîf bixebitin. Disa ji bo Navenda Rojin, MAYA û Koomperatîfê tezgah hatine veqetandin. "

'Bazara Kedê diyariyê 8'ê Adarê hatiye kirin'

Ferhat di berdewamiya axaftina xwe de got ku jinên di bazarê debixibitin dê perwerdehiya bazirganiyê dê bêdayin. Ferhat wiha axivî: "Jinên dê li bazarê hilberinên xwe bifiroşin û hilberînên nû ji biafîrînin. Ji ber ked bê xuyakirin me biryar da ku bazar di 8'ê Adarê de vekin. Em bazara kedê diyariyê 8'ê Adarê dikin. Em li benda hemû jinanin ku tevlî vekirina bazarê bibin."

Mîsrîcan Çokdogan(36) ku di bazara kedê de tezgah dê veke jî wiha axivî : "Jin hemû demên xwe li ber televizyonê derbas dikin. Ji ber jin derkevin derveyê malê divê projeyên wiha derxin pêşberî jinan. Jinan gelek bedelên mezin dan û divê jin vê derxin holê. Em bivê projeyê gelek memnûn in."

Cahîde Şahîn(45) jî ev tişt got: "Ji ber wêrektiya jinan ya jiyana civakî projeyên wiha gelek giring in. Bila hemû jin me bikin mînak û cesaretê ji me bistinin. Bila jin li ber xwe bidin û zîncira li ser xwe bişkinin."

(ho/rc)