JINHA

WAN - Jinên Wanê ji bo zîncîra li ser xwe bişkînin û tevlî jiyana civakî bibin di serî de aboriya xwe bi dest dixin. Li Wanê sê jin li hemberî hemû astengiyên mêran kargeh vekirin û bi navê tendûrê aboriyên xwe bidest dixin. Jinên ku di mala tendûrê de dixebîtin diyar kirin ku ew gelek keyfxweşin ku derfetek wiha bi destxistine.

Jinên Kurdistanê ji ber hişmendiya baviksalarî nikarin bi xebitin û ji aliyê jiyana civakî her tim tên bi sînor kirin. Jinên ku ji ber tund û destûrnedayina karê jinê jin alternatîfan bi hunera destê xwe li taxan jî li malên xwe aboriyên xwe didin avakirin. Jinên navçaya Vestana Wanê sê jin ji bo aborîya xwe li taxên ku lê dijin mala tendûrê vekirin û aboriya xwe bi dest dixin.

Zubeyde Yîgît ku di karê tendûrê de dixebita û bi çêkirina nanê debariya xwe dike diyar kir ku bi keyfxweşî karên xwe dikin û wiha axivî: "Em ev du mahê divê kargehê de dixebatin û aboriya xwe bi keda destê xwe pêk tînin. Em li vê kargehê de sê jîn dixebitin û heya êvarê nan çêdikin. Di derberê vî karê de dayikên me li gundan li ber tendurê nana çêdikirin. Niha li bajaran pir nanê tendûrê pir nayê çêkirin. Me jî xwest kevneşopiya dayikên xwe li bajaran hem bidin jiyandin hem jî aboriya xwe bidin avakirin."

Zubeyde di berdewamiya axaftina xwe de got ku dema me xwest divê kargehê de bixebitin ji aliyê mêran ve hatin astengkirin û gotin ku "Hûnê çawa bixebitin" lê em bi biryarbûn. Zubeyde anî ziman ku ji bo jin her tim ji aliyê aboriyê ve hatine astengkirin azadiya wan jî asteng e lewra divê hemû jin ji bo azadiya xwe xeleka li ser xwe bişkinin û ji bo azadiya xwe dest bi xebatê bikin.

Zahîde Yîgît a ku 9 zarokên wê hene û debariya xwe bi çêkirina nanê tendûrê pêk tine jî got, " Dema ku me dest bi karê tûndûrê kir hêvjinê min got ku 'Dê jin çawa bixebitin, nabe' lê min jî got kar kar e jin ji mêr jî dikare bike û divê her kes bixebite. Me li hemberî hemû astengiya dest bi karê xwe kir. Lê niha hem em hem jî mêrên me gelek bi keyfxweş in." Zahîde bilev kir dê heya dawiyê jî bi keda destê xwe aborîya xwe pêk bînin.

Serpîl Firat ji li ser karê ku dike ev tişt got: "Ev şeş sale ez divê karê de dixebitim. Lê belê malbata min jî li dijî ve karê bû û dilnedikirin ku ez bixebitim. Lê min li ber xwe da û li hemberî hemû astengiyên wan min dest bi karê kir û niha bi keyfxweşî karê xwe didim meşandin. Serpîl di dawiya axaftina xwe de bang li hemû jiinan kir ku bila ji bo azadiya xwe di serî de aboriya xwe bidin avakirin û tevlî jiyana civakî bibin.

(hk-db/ho/rc)