JINHA

AMED - Komîsyonên Jinan ên bi navê OHD û MHD der barê pêşniyara qanûnê ya ku sûcdaran diparêze de daxuyanî dan û wiha gotin: "Em radigihînîn ku em ê li dijî teklîfa bêcezatiyê ya dewletê ku der barê sûcdarên tecawizî zarokan dikin û yên ku zarokên keç dizewicîn de li hemû eywanên dadgehan li ber xwe bidin."

Bertekên jinan yên li dijî pêşniyara qanûnê ya ku ji aliyê AKP'ê ve pêşkêşî mecisê hat kirin û ku bi vê qanûnê tê xwestin zarokên keç yên tecawizî wan têkirin bi tecawizkarên xwe re bên zewicandin divê tecawizkar ceza negire berdewam dikn. Komisyonên Jinan yên bi navê OHD û MHD'ê jî bi daxuyaniya hevpar ya ku dan wiha gotin: " Îktîdara siyasî ya ku tehakuma baviksalar li ser bedena jinan ferz dike, niha jî bi sererastkirina bêcezazahiştina êrîşkarên zayendî yên ku li dijî zarokan êrîşa zayendî pêk tînin li hemberî me ye. Pejrandina me ya vê qanûna ku ku dê tecawizkar û sûcdarên li dijî zarokan êrîşa zayendî pêk tînin ne mumkun e. Bi vê qanûna kut ê pêşniyarkirin tê xwestin ku zarokên keç din ava dîwarên ku bi navê malbata pîroz li ser wan tê ferzkirin bên hepişkirin."

Di daxuyaniyê de hat destnîşankirin ku dewleta mêr ya duru ji aliyekî ve bi cezakirina kesên êrîşa zayendî dikin pesnê xwe dide li alyê din jî dixwaze ku zarokn keç yên di bin 15 salî re ku bi tecawizê re rû bi rû dimînin bi tecawizkarên xwe re bên zewicandin û daxuyanî wiha hat berdewamkirin: " Êrîşên zayendî yên ku li dijî zaroan tên kirin herî dawî bi Doza Weqfa Ensar re hat pêşberî me, vê pêşnûmeqanûnê re tê xwestin ku bêcezatî sîtematîk bê kirin. Em daxwaz dikin ku ev pêşnûme qanûn demildest paşve bê kişandin. "