JINHA

ŞIRNEX- Li Şirnexa ku "qedexeya derketina kolanan" lê berdewam dike, bi rêya îhaleyê dest danîn ser alavên gel.

Li Şirnexê bi "qedexeya derketina kolanan" a ku di 12'ê adarê de hat îlan kirin re , bi talana ku hat kirin bajar bi temamî hat hilweşandin. Li gel ku di 4'ê hezîranê de daxuyaniya "operasyon qediyan" hat dayîn jî dîsabajar venebûye û bi rêya îhaleyan jî alavên gel hatine desteserkirin.

Walîtiya şirnexê piştî daxuyaniya "operasyon bi dawî bûn" da ji bo ku welatî bên alavên xwe yên mayî bigirin jî bang hat kirin. Li ser vê daxuyaniya walîtiyê welatî ji bo ku alavên xwe bigirin daxwazname dan lê tu sûd ji daxwaznameya ku dan negirtin û ji welatiyan re wiha hat gotin: ""Ji ber ku hûn nehatin û we alavên xwe negirtin bi rêya îhaleyê ji dewletê re man."

(aı/gc/mk)