JINHA

ŞIRNEX- welatiyên Şirnexê yên ku ji ber "Qedexeya derketina kolanan" bi zorê ji malên xwe hatin derxistin û mecbûr man ku di konan de jiyana xwe bidomînin, niha jî bi valakirina konan tên tehdîtkirin.

Li Şirnexê ji aliyekî ve ev 220 roj in "qedexeya derketina kolanan" berdewam dike û navenda bajêr jî nema dikare bê bikaranîn. Ji bo gelê Şirnexê yê ku ji cih û warê xwe hat derxistin ku di konan de li ber xwe dide hêzên dewletê vê carê ew bi derxistina ji konan tehdît kirin. Tîmên taybet yên ku îro bi ser konên li Konutlar, toptepe û yên li herêma sanayiyê de girtin, konên welatiyan belav kirin û sê roj dem dan wan ku konan vala bikin. Her wiha têmên ku 3 ro dem dan welatî bi derxistina ji konan tehdît kirin.

(aı/gc/mk)