حەلەب، لقی دەستەی ژنانی سوریای ئازاد دامەزرا
10:32
تشرینی دووەم
26
/ 2016
ژنها
حەلەب – دەستەی ژنانی سوریای ئازاد لە گەڕەکی شێخ مەقسودی شاری حەلەب لقێکی خۆی دامەزراند.
ناوەندی لقەکە بە مەراسیمێک کرایەوە و تیایدا ژمارەیەکی زۆر لە ژنانی کورد، عەرەب و سریانی بەشداریان کرد. لە مەراسیمەکەدا لەیلا خالید، رۆناهی، نەهلا بەنجوان ئەندامانی دەستەی ژنانی سوریای ئازاد بە هەرسێ زمان قسەیان کرد.
ژنان کردنەوەی ناوەندەکەیان لە یەکتری پیرۆز کرد و وەک هەنگاوێک بەرەو ئازادبوونیان بەناو کرد. هەروەها بانگەوازیان لە ژنانی شاری حەلەب کرد کە بەشداری بکەن لە دەستەی ژنانی سوریای ئازاد.