دربەسیە؛ بەهۆی تەقینەوەیەک ١٥هاوڵاتی بریندار بوون
17:01
نیسان
2
/ 2016
ژنها
حەسەکە- لەئەنجامی تەقینەوەی بۆمبێکی چێندراو لە یەکێک لە قاوەخانەکانی شارۆچکەی دربەسیە ١٥ کەس بریندار بوون.
ئەمرۆ شەمە، کاتژمێر ١ی پاش نیوەڕۆ بۆمبێکی چێندراو لە قاوەخانەی سوار لەناو بازاڕی شارۆچکەی دربەسیە-ی کانتۆنی جزیرەی ڕۆژئاوای کوردستان تەقێندرایەوە، لە ئەنجامی تەقینەوەکەدا ١٥ هاوڵاتی بریندار بوون.
دوای تەقینەوەکە هێزەکانی ئاسایش لە ناوچەکە کەوتنە حاڵەتی ئامادەباشی و دەستیان بە لێکۆڵینەوە کرد، هەروەها زانرا کە برینی بریندارەکان سوکەو سەرجەم بریندارەکان ڕەوانی نەخۆشخانەی شارەکە کراون.
(ش ب)