ژنها

ئامەد- له‌ شارۆچکه‌ی فارقین-ی سه‌ر به‌ شاری ئامه‌دی باکوری کوردستان له‌ 18 گوند و گه‌ڕه‌که‌کانی شارۆچکه‌که‌ قه‌ده‌غه‌کردنی هاتووچۆ راگه‌یه‌ندرا.

به‌پێی راگه‌یه‌ندراوێکی قایمقامیه‌تی شارۆچکه‌ی فارقین، له‌ کاتژمێر 11ی ئه‌مڕۆوه‌ له‌ 18 گوند و گه‌ڕه‌که‌کانی شارۆچکه‌ی فارقین هاتووچۆکردن قه‌ده‌غه‌یه‌ و ئاشکراش نه‌کراوه‌ هه‌تا که‌ی به‌رده‌وامده‌بێت.

له‌به‌رامبه‌ر راگه‌یاندنی قەده‌غه‌کردنی هاتووچۆشدا، گه‌ل ده‌ستیان به‌ چالاکی رێپێوان کرد و له‌ ئێستادا به‌ره‌و سوێنی ئۆپه‌راسیۆن به‌ڕێککه‌وتوون.

جێگای ئاماژه‌یه‌، له‌ 3/11 ی ساڵی رابردووش قه‌ده‌غه‌ی هاتووچۆ بۆ ماوه‌ی 11 رۆژ له‌ناوه‌ندی شارۆچکه‌که‌ به‌رده‌وامبوو، پاش ئه‌و 11 رۆژه‌ش جار به‌جار بۆ ماوه‌یه‌کی که‌م هاتووچۆ قه‌ده‌غه‌کراوه‌.

(ش ب)